منتديات رحيق الزهور

للزهور رحيق وما أجمل أن تستنشق من كل زهرة رحيقها ( العمروسى )


    قصيدة نجم ( عايزين نجرب خلقة تانية ولو يومين )

    شاطر

    فوزى العمروسى
    المدير العام
    المدير العام

    1 : 1
    عدد المساهمات : 613
    نقاط : 1852
    تاريخ التسجيل : 15/01/2011
    العمر : 56
    الموقع : منتديات رحيق الزهور

    قصيدة نجم ( عايزين نجرب خلقة تانية ولو يومين )

    مُساهمة من طرف فوزى العمروسى في الخميس 10 فبراير 2011 - 4:31





    نظرا لأن النعمة فاقت حدها

    ولأننا مش قدها

    ولأن فعلا انجازاتك

    فوق طاقتنا نعدها

    ولأننا غرقنا في جمايل

    مستحيل حنردها


    نستحلفك ……. نسترحمك

    نستعطفك …….نستكرمك

    ترحمنا من طلعة جنابك حبتين

    عايزين نجرب خلقة تانية

    ولو يومين


    اسمع بقى

    إحنا زهقنا من النعيم

    ونفسنا في يومين شقا

    عايزين نجرب الاضطهاد

    ونعوم ونغرق في الفساد


    بيني وبينك حضرتك

    دا شعب فقرى مايستحقش جنتك

    أنا عارفه شعب ماينفعوش

    إلا شارون وبلير وبوش

    عايز يجرب الامتهان

    ويعيش عميل للأمريكان

    بيمد ‘غازه’ لإسرائيل

    ويومين كمان ويمد نيل


    أهو يعنى نشرب ميه واحدة

    ندوب في بعض

    ماء وماء وماء

    ونفض سيرة الانتماء

    وبلاها نعرة وطنطنة


    تبقى البلاد ‘مستوطنة ‘

    متسلطنة بالسرطنة

    إيه اللي خدناه م الكرامة والإباء

    حبة خطب وكلام…كلام


    إحنا راهننا على النظام

    ورضينا بخيار السلام

    بخيار حنسد عين الشمس بيه

    علشان مايطلعش النهار

    ويطلع لمين؟


    حبة معارضة مغرضين؟

    وحسب بيان السلطة

    شلة مأجورين؟


    ياعم فضك سيرة

    وارضى بقسمتك

    دا شعب مش فاهم أكيد

    يلا اطرده من رحمتك


    وإن كنت غاوي الحكم

    خليك مطرحك

    حاغطس واقب وأعود

    بشعب يريحك

    راضى وعمره مايجرحك

    أخرس ومايسمعش

    وأعميلك عينيه

    مش كل قرش يبص فيه

    مايقولش لأه، وفين، وليه

    يضرب ينفض في السليم

    وعلى الصراط المستقيم

    كل اللي يعرف ينطقه

    عاش الزعيم

    يحيا الزعيم





    ............


    عدل سابقا من قبل Admin في الخميس 31 مارس 2011 - 5:37 عدل 3 مرات

    وليد اللهيبي
    عضومشارك
    عضومشارك

    عدد المساهمات : 35
    نقاط : 49
    تاريخ التسجيل : 18/01/2011
    العمر : 60
    الموقع : كاتب وقاص واعلامي

    رد على قصيدة نجم

    مُساهمة من طرف وليد اللهيبي في الأحد 13 فبراير 2011 - 12:23


    رائعة اخرى اقرأها .. قاتل الله زعمائنا المأجورين وحطم عروش الملوك السائرين بركب العمالة

    فوزى العمروسى
    المدير العام
    المدير العام

    1 : 1
    عدد المساهمات : 613
    نقاط : 1852
    تاريخ التسجيل : 15/01/2011
    العمر : 56
    الموقع : منتديات رحيق الزهور

    رد: قصيدة نجم ( عايزين نجرب خلقة تانية ولو يومين )

    مُساهمة من طرف فوزى العمروسى في الثلاثاء 15 فبراير 2011 - 19:56

    عزيزى الفاضل لك خالص تحياتى وتقديرى
    لك منى أجمل المنى

      الوقت/التاريخ الآن هو السبت 3 ديسمبر 2016 - 22:46