منتديات رحيق الزهور

للزهور رحيق وما أجمل أن تستنشق من كل زهرة رحيقها ( العمروسى )


    كلمات أغنية سيرة الحب

    شاطر

    فوزى العمروسى
    المدير العام
    المدير العام

    1 : 1
    عدد المساهمات : 613
    نقاط : 1852
    تاريخ التسجيل : 15/01/2011
    العمر : 56
    الموقع : منتديات رحيق الزهور

    كلمات أغنية سيرة الحب

    مُساهمة من طرف فوزى العمروسى في السبت 8 نوفمبر 2014 - 19:17


      سيرة الحب


                                                                     كلمات الشاعر مرسي جميل عزيز


                                                                    الحان الموسيقار بليغ حمدي

    غناء سيدة الغناء العربى أم كلثوم

    طول عمري بخاف من الحب
    وسيرة الحب وظلم الحب لكل أصحابه
    وأعرف حكايات مليانه آهات
    ودموع وأنين والعاشقين دابوا ما تابوا
    طول عمري بقول
    لا أنا قد الشوق وليالي الشوق ولا قلبي قد عذابه
    وقابلتك انت لقيتك بتغير كل حياتي
    ما أعرفش إزاي حبيتك ما أعرفش إزاي ياحياتي
    من همسة حب لقيتني باحب
     وأدوب في الحب وصبح وليل علي بابه




    فات من عمري سنين وسنين
     شفت كتير و قليل عاشقين
    اللي بيشكي حاله لحاله
     واللي بيبكي علي مواله
    أهل الحب صحيح مساكين
    ياما الحب نده على قلبي ما ردش قلبي جواب
    ياما الشوق حاول يحايلني واقول له روح يا عذاب
    ياما عيون شاغلوني لكن ولا شغلوني
    إلا عيونك انت دول بس اللي خدوني
    وبحبك أمروني
    أمروني احب لقيتني باحب
     وأدوب في الحب وصبح وليل على بابه


    ياللي ظلمتوا الحب وقلتوا وعدتوا عليه
    قلتوا عليه مش عارف إيه
    العيب فيكم يا في حبايبكم
    أما الحب ياروحي عليه
    في الدنيا ما فيش أبدا أبدا أحلى من الحب
    نتعب نغلب نشتكي منه لكن بنحب
    ياسلام ع القلب وتنهيده في وصال وفراق
    وشموع الشوق لما يقيدوا ليل المشتاق
    يا سلام ع الدنيا وحلاوتها في عين العشاق
    أنا خدني الحب لقيتني باحب
    وأدوب في الحب وصبح وليل علي بابه




    يا اللي مليت بالحب حياتي أهدي حياتي إليك
    روحي  ..  قلبي  ..  عقلي  ..   حبي ..   كلّي ملك ايديك
    صوتك . .  نظراتك  ..   همساتك شيء مش معقول
    شيء خللي الدنيا زهور
    على طول وشموع علي طول
    الله يا حبيبي على حبك
     وهنايا معاك
    الله يا حبيبي يا حبيبي الله الله
    ولا دمعة عين جرحت قلبي ولا قولة آه
    ما بقولش في حبك غير الله الله
    يا حبيبي على حبك الله الله
    من كتر الحب لقيتني باحب
    وأدوب في الحب وصبح وليل على بابه

     


    _________________

      الوقت/التاريخ الآن هو الخميس 8 ديسمبر 2016 - 8:55