منتديات رحيق الزهور

للزهور رحيق وما أجمل أن تستنشق من كل زهرة رحيقها ( العمروسى )


    قصيدة ( أنا أخــــــــوان ) لهشام الجخ

    شاطر

    فوزى العمروسى
    المدير العام
    المدير العام

    1 : 1
    عدد المساهمات : 613
    نقاط : 1852
    تاريخ التسجيل : 15/01/2011
    العمر : 56
    الموقع : منتديات رحيق الزهور

    قصيدة ( أنا أخــــــــوان ) لهشام الجخ

    مُساهمة من طرف فوزى العمروسى في الجمعة 10 مايو 2013 - 20:10





    انا اخوان وكل المسلمين اخوان

    فما تصنفش اسلامي علي كيفك

    حقيقتي اقوي من زيفك

    وصوباعي لوحدة بكفوفك

    ولاتهزش قصاد خوفك

    ياخوف يا جبان انا اخوان

    بطيع الله فملكوته

    وبدعي يزيدني من فضلة ومن قوتة

    واصلي واصوم

    وجاهد نفسي واصبر عالبلا واحمد وحمدي يدوم

    لانة الرازق الوهاب وهة مسببب الاسباب

    فلية الفضل والمنة ولية الطاعة

    فماتبصش لديني نظرة طماعة

    انا ديني لا هو سلعة ولا بضاعة

    ولا لية سوق

    لا انا بايع ولا شاري

    ايماني هوة راسمالي

    فاصحي وفوق

    مانيش اخوان علي نهجك

    فلم من الدروب همجك

    كفاية شقوق

    مش انته لوحك الاخوان

    انا اخوان بحق الله وبالسنة وبالقران

    وقت الجد انا عثمان

    وقت الحرب انا حمزة

    ووقت الفصل ببقي فالروق

    انا اخوان علي الرحمة وعالتقوي وحب الناس

    لكن عمري ماهتاخون باخونتك علي الصندوق

    عينيكم فيها كل النور ومش شايفة

    غباوة انك تهدد ناس ماهيش خايفة

    بتهدد فمين يا حزين

    دة انا الاهة اللي طلقوني

    وجيعة وسارحة فالشارع

    ومش ممكن هتخفوني

    هتسمعني وغصب عن عنيك الجوز علي دماغك هترفعني

    انا الناس اللي عاشت تحت خط الفقر

    وانا الناس اللي ماتت وملتقتش القبر

    فسيبك ماللي بيجاملك واللي بيهيص

    وركزلي واسمع كلمتي كويس

    انا الثورة اللي عملة منك الريس

    انا اللي يادوب من سنتين

    كنا بنتحبس صحبة

    وكنا بنتجلد صحبة

    بتبعد ليه وتكتب عالطريق غربة

    بتمش فالطريق الصعب وحك لية

    مهملنيفلو صعبة عليك الشيلة شيلني

    تلاقيني معارضك اة لكني وراك

    بقدف فالسفينة معاك

    اكون ودنك اكون عينك

    اكون جوة فدراعينك

    نبني بلدنا لهوانا

    مش لهواك

    وخيرنا يبقي جوانا مش جواك


    مش انتة تخدلي فالقرارات وانا امسح بايدي .....

    ماتتلككش بالناس اللي بيعارضوك

    ماتتشتش ماتتسوحش

    بلدنا عايزة ريس وحش

    يسمع نقدة بودانة

    مايتكبرش

    يكون جبار علي الظالمين

    رحيم بينا ينام بينا

    ويقوم بينا

    يمشي يبص فالشارع علي الجعانين

    ويفهم ان فالشارع شباب ثايرين

    ملحقوش يبقوا كارهينك

    فماتزودش نار الكرة فقلوبهم

    شباب شايف فلوس بلدة مش بتخش فجيوبهم

    ماتخدعناش ببقين من بتوع حسني يا مولانا

    وريلنا كلام

    وصدي من الغني قفانا

    ماتدبحليش حمامة يتيمة علي عينها

    وتفنعني انة ديك رومي

    ماتلعبش انتة فالمية وتمسح ايدك المبلولة ف هدومي

    ومش كل اما توعد وعد تطلع بق

    وماتشدش فرامل اليد وتطلب مني انزل ازق

    ولما الناس تكون ثايرة ومختلفة ماتخطبليش ف اتباعك

    ولما تكون مع وزيرة ماتعبليش فـي بتاعـ ........

    ولا تسمعني ولا اهلي ولا عشيرتي

    وخيرنا يبقي لبلدنا قبل ما ابص علي جيرتي

    بلدنا احواض من البركة وعمر النيل

    بلد دفيانة بالقران وبالانجيل


    _________________

    إيمان الحسن
    نائب المدير
    نائب المدير

    1 : 3
    عدد المساهمات : 519
    نقاط : 1231
    تاريخ التسجيل : 16/01/2011

    رد: قصيدة ( أنا أخــــــــوان ) لهشام الجخ

    مُساهمة من طرف إيمان الحسن في الخميس 1 أغسطس 2013 - 23:48


    شكرا على الموضوع الجميل و المفيد

    جزاك الله الف خير على كل ما تقدمه للمنتدى

    ننتظر إبداعاتك

    تقديرى وأحترامى



    _________________




    نسجت بقلمى حروفاَ لدفء همسات القلوب
    وتناثرت ورود حبى بقلب حبيبى
    فى أجمل مارسمت من صورة


      الوقت/التاريخ الآن هو الإثنين 5 ديسمبر 2016 - 9:23